Mulok Basa Jawa

Kronologis Acara Dauping Temanten

1.     Pambuka, nggih menika MC mbikak acara wiwit saking salam ngantos waosan basmalah sesarengan.

2.     Calon Penganten Wanita (CPW) mijil, nggih menika CPW mijil saking panti busana kakanthi manjing sasana rinengga kaliyan tuyang sepuhipun, CPW digandheng pemanis diiringi musik  gending Jawi.

3.     Miose bogar jenar, nggih menika ibu-ibu saking pepungkuran (pawon) tumuju marang sasana rinengga ngaturaken sekul manten wondene ingkang mbeto pager ayu saha pager bagus.

4.     Bedhol kembang mayang, nggih menika utusan nyuwun ngampil kembang mayang marang ingkang gadah damel, kagem nyowanaken Calon Penganten Pria (CPP), wondene ingkang mbeto pager bagus.

5.     Pasrah CPP, nggih menika wakil saking CPP maosaken sambutan kaliyan maringaken seserahan marang CPW.

6.     Panampi CPP, nggih menika pidato saking tiyang sepuhipun CPW menawi nampi CPP kaliyan seserahanipun.

7.     Daup utawi panggih, nggih menika Penganten Pria (PP) kaliyan Penganten Wanita (PW) pepanggihan.

8.     Mapak besan, nggih menika PP kaliyan keluarganipun mara dhateng keluarganipun PP

9.     Adad

(i)                Bobot timbang utawi krobongan, nggih menika Bapak saking PW mangku putrinipun kaliyan mantunipun, kangge simbol menawi rasa tresna dhateng putrinipun kaliyan mantunipun niku sami.

(ii)             Kacar kucur, nggih menika PP maringaken wos dumateng PW, artosipun piyayi kakung kedah maringi gaji utawi hasil dumateng tiyang putri.

(iii)           Sungkeman, nggih menika PP kaliyan PW nyuwun pangestu dumateng tiyang sepuhipun PP kaliyan PW.

10. Pambagyo harjo, nggih menika pawongan ingkang ditunjuk tuan rumah kagem maosaken pidato ingkang isinipun panuwun.

11. Kirab 1+2 (doeloe), nggih menika PP kaliyan PW santun busana saking busana kinalindran dhateng busana satriyatama.

12. Doa panutup, nggih menika ulama utawi MC maosaken donga kagem penganten kekalihan, lajeng MC nutup acara kanthi waosan hamdalah sesarengan.